दहावी online सराव प्रश्नसंच

दहावीच्या विद्यार्थ्यांसाठी ऑनलाईन सराव प्रश्नसंच
Abpmajha
उद्यापासून रोज एक विषयाचा पेपर www.ebalbharati.in या संकेत स्थळावर अपलोड केला जाणार आहे. तर 6 डिसेंबर पासून याची उत्तरपत्रिका आणि तज्ज्ञ मंडळींचे याबाबतचे व्हिडीओ सुद्धा बालभारतीकडून अपलोड केले जाणार आहेत.

मुंबई : दहावीच्या विद्यार्थ्यांना बदललेल्या अभ्यासक्रमातील विषयांच्या प्रश्नपत्रिकांचा सराव व्हावा यासाठी 26 नोव्हेंबर पासून महाराष्ट्र पाठ्यपुस्तक निर्मिती व अभ्यासक्रम संशोधन मंडळ (बालभारती ) च्या वतीने उद्यापासून ऑनलाइन सराव प्रश्नसंच विद्यार्थ्यांसाठी दिले जाणार आहेत.
उद्यापासून रोज एक विषयाचा पेपर www.ebalbharati.in या संकेत स्थळावर अपलोड केला जाणार आहे. तर 6 डिसेंबर पासून याची उत्तरपत्रिका आणि तज्ज्ञ मंडळींचे याबाबतचे व्हिडीओ सुद्धा बालभारतीकडून अपलोड केले जाणार आहेत.
इयत्ता दहावीच्या परीक्षा मार्च 2019 मध्ये होणार आहेत. त्याआधी विद्यार्थ्यांना बदलत्या अभ्यासक्रमाच्या प्रश्नपत्रिकेचा सराव व्हावा आणि आत्मविश्वास वाढवा यासाठी हे सराव प्रश्नसंच बालभारतीकडून अपलोड केले जाणार आहेत.
या सराव प्रश्नपत्रिका विद्यार्थी स्वतः किंवा शिक्षकांच्या मार्गदर्शनाने सोडवू शकतो ज्याने त्याला प्रश्नपत्रिका सोडविण्याचे आकलन होईल. या प्रश्नपत्रिका सोडविल्यानंतर उत्तरपत्रिका आणि तज्ज्ञांचे व्हिडिओ पाहिल्यानंतर विद्यार्थ्यांना प्रश्नपत्रिकांचा सराव होईल आणि आपल्या चुका लक्षात येतील.
सराव प्रश्नपत्रिका / उत्तरपत्रिका अपलोड होण्याची तारीख
सर्व प्रथम भाषा- 26 नोव्हेंबर - 6 डिसेंबर
सर्व द्वितीय भाषा- 27 नोव्हेंबर - 7 डिसेंबर
सर्व तृतीय भाषा - 28 नोव्हेंबर - 8 डिसेंबर
विद्यान 1 - 29 नोव्हेंबर - 9 डिसेंबर
विद्यान 2 - 30 नोव्हेंबर - 10 डिसेंबर
गणित भाग 1 - 1 डिसेंबर - 11 डिसेंबर
गणित भाग 2 - 2 डिसेंबर - 12 डिसेंबर
इतिहास व समाजशास्त्र- 3 डिसेंबर - 13 डिसेंबर
भूगोल- 3 डिसेंबर - 14 डिसेंबर

Kal chachni

*दहावीच्या विद्यार्थ्यांची कलमापन चाचणी यंदा मोबाइल अॅपद्वारे*
मुंबई : दरवर्षी इयत्ता दहावीच्या विद्यार्थ्यांची कलमापन चाचणी घेतली जाते. ही चाचणी आता मोबाईल अ‍ॅपद्वारे घेतली जाणार आहे. महाराष्ट्र राज्य माध्यमिक उच्च माध्यमिक शिक्षण मंडळाने हा निर्णय घेतला आहे. याबाबतचे परिपत्रक काढून कलमापन चाचणीची माहिती देण्यात आली आहे. ही चाचणी महाराष्ट्र विद्याप्राधिकरण, पुणे आणि श्यामची आई फाऊंडेशन यांच्या वतीने घेतली जाते.

दहावीच्या विद्यार्थ्यांना त्यांचा उच्च शिक्षणासाठीचा कल ओळखता यावा, यासाठी ही कलमापन चाचणी ऑनलाइन पद्धतीने घेतली जात होती. परंतु ही कलमापन चाचणी 2019 पासून महाकरिअर मोबाइल अ‍ॅपद्वारे घेतली जाणार आहे. यासाठी विभागीय स्थरावर जिल्ह्यात, तालुक्यात शिक्षकांना या अँड्रॉइड अ‍ॅपबाबत प्रशिक्षण दिले जाणार आहे.

सदर परीक्षा डिसेंबर आणि जानेवारी महिन्यात शाळेतच मोबाईल अ‍ॅपद्वारे घेण्यात येणार असल्याचे महाराष्ट्र राज्य माध्यमिक उच्च माध्यमिक शिक्षण मंडळातर्फे सांगण्यात आले आहे. त्यामुळे संबधित सर्व शाळांच्या मुख्याध्यापकांचे मोबाइल नंबर, ओटीपी कोड, ऑथेंटिकेशन या सर्वांची माहिती देणे यासाठी आवश्यक असणार आहे.

एक भारत श्रेष्ठ भारत

दि . १९.११.२०१८

प्रति,
      विभागीय शिक्षण
      उपसंचालक (सर्व)
      प्राचार्य , DIECPD (सर्व)
      शिक्षणाधिकारी,मुंबई
      शिक्षणाधिकारी (प्राथमिक/
      माध्यमिक), जिल्हा परिषद
      (सर्व)
      शिक्षण निरीक्षक, मुंबई (सर्व)
      प्रशासन अधिकारी न.प/  
      न.पा. (सर्व)
*यांनी..*
*सर्व व्यवस्थापनाच्या व सर्व माध्यमाच्या शाळांच्या मुख्यापकांना अवगत करुन द्यावे.*

*विषय : “एक भारत श्रेष्ठ भारत उपक्रमांतर्गत - भाषा संगम” कार्यक्रमाचे आयोजन करणे बाबत .*

*1)* भारत सरकारने राष्ट्रीय
एकात्मता वाढीसाठी “एक भारत श्रेष्ठ भारत (EBSB)” हा कार्यक्रम हाती घेतला आहे. या अनुषंगाने *दि.२० नोव्हेंबर ते २१ डिसेंबर २०१८* या कालावधीत *“भाषा संगम”* हा उपक्रम सर्व शाळांमधे सर्व भारतीय भाषांबद्दल अधिक प्रेम व आपुलकी निर्माण होण्याच्या दृष्टीने घ्यावयाचा आहे.
        
*2)* देशातील २२ भाषांमधील सामान्यत: बोलली जाणारी पाच साधी वाक्ये परीपाठामधे विद्यार्थ्यांकडून वाचून घ्यावयाची आहेत. यासाठी आवश्यक असलेली माहितीपुस्तिका      https://goo.gl/PfNDUu   या लिंकवर उपलब्ध आहे.

*3)*“भाषा संगम” अंतर्गत घ्यावयाच्या उपक्रमाचे वेळापत्रक माहिती पुस्तिकेच्या (पान क्र II ) वर दिले असून पुढीलप्रमाणे कृतिकार्यक्रम घ्यावा.
   i) ज्या तारखेला  जी भाषा संवादासाठी सुचवली आहे, त्या भाषेची ५ वाक्ये परिपाठात वाचावीत. (उदा. दिवस पहिला - असामी, दिवस दुसरा - बंगाली) शिक्षक, पालक, शासकीय कर्मचारी किंवा ग्रामस्थ यांना अशी वाक्ये वाचण्यासाठी निमंत्रित करावे .
ii) काही विद्यार्थ्यांना या वाक्यांवर  आधारित भित्तीपत्रके (posters) तयार करण्यास सांगावीत व तयार केलेली भित्तीपत्रके शाळेमध्ये सर्वत्र लावावीत. व या संदर्भाने इतर काही पुरक उपक्रम घ्यावेत.

*4)* सोबत दिलेल्या माहिती पुस्तिकेच्या पान क्र.V वरील मुद्दा क्र. 3 ( i ते xii ) नुसार सर्व मुख्याध्यापकांनी आपल्या शाळेत राबवलेल्या दैनंदिन कार्यक्रम व उपक्रमांचे videos, photoes “Bhasha sangam youtube channel” वर दररोज सायंकाळी 5 वाजेपर्यंत अपलोड करावेत.

*5)* या उपक्रमासाठी जिल्हा नोडल अधिकारी म्हणून प्राचार्य DIECPD यांनी काम पहातील.
जिल्हा नोडल अधिकारी यांनी वरील माहितीचे दिनांकनिहाय संकलन करून या कार्यालयाच्या  marathilangdept@maa.ac.in  या इमेलवर दररोज  पाठवावी.

*6)* क्षेत्रीय स्तरावर कार्यरत सर्व अधिकाऱ्यांनी “भाषा संगम” कार्यक्रम यशस्वी करण्याच्या दृष्टीने शाळाभेटी कराव्यात.

*अधिक माहितीसाठी उपक्रमाचे राज्य संपर्क अधिकारी डॉ.जगराम भटकर (उपसंचालक भाषा विभाग) (९४२३७२८४८६) यांच्याशी संपर्क करावा.*

  

*(डॉ.सुनिल मगर )*
*महाराष्ट्र राज्य शैक्षणिक*
*संशोधन व प्रशिक्षण परिषद*
*(विद्या प्राधिकरण ) पुणे*